Phantom

Phantom, a última produción de Darío Bardam, céntrase na relación entre a figura do fantasma e as políticas de desidentificación, seguindo as liñas de investigación desenvolvidas nos seus proxectos anteriores, que examinan os catalizadores dunha danza que excede o corpo que a baila (ritmo, repetición, retroalimentación, arquivo, mirada, voz, entre outros).

En Phantom, experiméntase con distintos beats e melodías a través de sets de DJ, xunto coa superposición de sombras e luces como aparello teatral; construíndo un corpo fantasmagórico que se desvanece para deixar espazo a que todo baile.

Na base de todo o proxecto, o pracer de bailar desempeña un papel fundamental.