Cando dúas ondas sonoras coa mesma frecuencia entran nun lixeiro desfase, o oído humano percibe a súa fricción como unha terceira nota. Parafonías propón unha experiencia sensorial na que as relacións intuitivas entre o movemento e o son se distorsionan, abrindo un espazo ao mesmo tempo estraño e familiar que esperta a nosa curiosidade e empatía. Que pasaría se, nun acto comunicativo, a voz e o xesto non foran exactamente da man? As intencións do corpo ou da voz desvíanse, creando un territorio onde o significado se pon en dúbida e o imaxinario transfórmase.
Blanca Tolsá naceu en Ontinyent (València) en 1991. É titulada polo Conservatori Professional de Dansa do Institut del Teatre de Barcelona e iniciou a súa traxectoria como bailarina con IT Dansa. Desde 2016 traballou como intérprete con Lipi Hernández, Ariadna Montfort, Raquel Klein, Roberto Zappalà, Albert Quesada, Magdalena Garzón, Jacob Gómez, Anna Macau, Constanza Brncic, Núria Guiu, Paloma Muñoz Siberia, Georgia Vardarou e Joao Lima.