Las bailarinas no tocan el cielo

Las bailarinas no tocan el cielo traballa sobre a figura da intérprete na danza ou nas artes do movemento, en marcos contemporáneos. É un proxecto de investigación, mediación e creación. Por unha banda, trata de abrir espazos de diálogo entre bailarinas que adoitan traballar para outros artistas a través de laboratorios, onde se propoñen dinámicas de discusión e prácticas físicas, e tamén a través de entrevistas persoais. Paralelamente, traballamos tamén nunha peza escénica titulada "Las que bailan", que trata de facer visible as problemáticas deste lugar. Xuntas falamos da soidade, a fe, a autonomía, as relacións de poder, o diñeiro e o paso do tempo, en relación ao noso traballo.