Desde 2025, RPM ten unha chave propia. Ademais de lugar de traballo para o equipo RPM, este espazo –situado na Cidade Vella da Coruña– é o escenario no que deseñamos un programa de prácticas íntimas e prácticas de comensalidade para construír xuntas a nosa propia idea de comunidade. Un lugar no que artistas e cidadanía sensible se poida recoñecer, facendo parte de experiencias singulares arredor do campo das artes vivas. Ademais, o espazo tamén funciona como espazo de acollida para distintas residencias de traballo ao longo do ano.