Alejandra Balboa

"Cuando le permito al cuerpo aquello que digo" é un proxecto de investigación física que se propón espreitar e observar a garganta, a mandíbula, a boca (lingua) e a respiración como orixes desde os que facer florecer o movemento.

Alejandra propón, xunto con Pavel Amilcar (violinista), liñas de exploración que potencien o factor experiencial que reside no acto de moverse, no acto de estar e no acto de atravesar o espazo. Permitindo que os desexos, as substancias veladas na carne, sexan as creadoras do discurso corporal, sonoro e espacial.

O Cruceiro Paraíso en Danztagunea permitiume investigar e profundizar no meu traballo individual e tamén coñecer parte do contexto vasco, outros espazos, compañías, programacións. Foi unha semana moi rica en estímulos.

No estudo traballei a concepción do corpo como almacén da memoria, identificando qué partes rexistran esa información e de qué forma habitan nel. Explorando as texturas físicas que suceden dun recordo, dunha imaxe, dunha sensación.